Astanada balabaqshalarǵa jospardan tys bala qabyldaý bastaldy
ASTANA. 27 aqpan. QazAqparat - Elordada 25 aqpannan 1 naýryz aralyǵynda kezek boıynsha jańadan ashylǵan balabaqshalarǵa balalar qabyldaý júrgizilýde. Bul týraly astana.kz saıtyna qalalyq Bilim basqarmasynan málim etti.
Paıdalanýǵa myna jańa balabaqshalar:
- Prıgorodnyı kenti, Sarytoǵaı k-si, 9 úıdegi № 68 balabaqsha (Prıgorodnyı kenti)
- 23-31 k-si, 41 úıdegi № 69 balabaqsha («Tursyn-Astana» TK)
- 23-31 k-si, 39 úıdegi № 70 balabaqsha («Tursyn-Astana» TK)
- Jobalaý k-si, 36/3 úıdegi №199 balabaqsha («Jaǵalaý» TK «Han shatyr» saýda oıyn-saýyq ortalyǵynyń artynda) berildi.
Sondaı-aq, Bilim basqarmasy elordanyń mektepke deıingi mekemelerinde orynnyń tolyqtyǵyna jáne zárýligine baılanysty balalardy toptaý kezinde ata-analarynyń ótinishteri boıynsha joldama berýdiń múmkindigi joqtyǵyn habarlaıdy.
«Toptaýǵa jazylmas buryn jańa balabaqshanyń ornalasqan jerimen tanysýyńyzdy suraımyz. Eger balabaqshanyń ornalasqan jeri sizdiń kóńilińizden shyqpasa, 2013 jyly josparly toptaýǵa qatysýǵa quqyǵyńyz bar. Sizdiń kezegińiz sol kúıi saqtalady», - delingen habarlamada.
Buǵan deıin astana.kz saıtynda habarlanǵanyndaı, toptaý 2013 jyldyń 25 aqpanynan bastap № 26 mektep meken-jaıynda (Konstıtýtsııa k-si, 44) júrgizilýde. Jumys tártibi: kún saıyn 10.00-den 18.00-ge deıin. Úzilis 13.00-den 14.00-ge deıin. Senbi, jeksenbi - demalys kúnderi.
