Astanada balabaqshalarǵa toptardy jasaqtaý sharalary maýsym aıynda júrgiziledi
ASTANA. 6 mamyr. QazAqparat /Gúlnár Jandaǵulova/ - Astanada balabaqshalarǵa toptardy jasaqtaý sharalary maýsym aıynda júrgiziletin bolady,
dep habarlady elordalyq ákimdiktiń resmı saıtynan.
Búginde Astanada memlekettik balabaqshalardan oryn alýǵa kezekke tirkelgen búldirshinderdiń sany - 40 myń. Olardyń 28 myńy balabaqshaǵa qabyldana bastaıtyn jasqa - ekige tolǵandar.
Osyǵan oraı, ákimdik Astana qalasyndaǵy mektepke deıingi bilim berý mekemelerine toptardy jasaqtaý 2011 jyly 2-17 maýsymda Konstıtýtsııa kóshesi, 44 úı meken-jaıy boıynsha ornalasqan № 26 orta mekteptiń ǵımaratynda júrgiziletinin habarlaıdy.
«Eskertpe qaǵazdarynda kórsetilgendeı, Astana turǵyndary óz balalarynyń kezek nómirin ár jastaǵy topqa jasaqtaý kestesine saı nómirimen tekserýleri kerek», -delingen saıt aqparatynda.
Ata-analardyń myna jaıdy este ustaǵandary abzal: eger balabaqshaǵa oryn bólý barysynda olarǵa usynylǵan balabaqshanyń ornalasqan jeri jaısyz bolatyn bolsa, olar joldamadan bas tartýǵa quqyly. Olardyń balalarynyń kezegi saqtalady. Keleside olarǵa basqa balabaqshadan basym tártipte usynylatyn bolady.
Balabaqshalardyń oryn tyǵyzdyǵyna baılanysty turǵylyqty meken-jaı boıynsha jaqyn jerdegi balabaqshaǵa joldama berý jónindegi ótinishterdiń barlyǵy birdeı oryndala qoımaıdy.
Balabaqshaǵa jeńildik boıynsha joldama alýǵa úmitkerlerge bólek qabyldaý kúnderi belgilengen. Bul sanat boıynsha azamattar oryn bólý bastalǵanǵa deıin Bilim basqarmasynyń keńsesine tirkelip, qujattarynyń kóshirmesin qoldaýhatpen birge ótkizedi.
