Astanada balabaqshalarǵa qabyldaý bastaldy
ASTANA. 3 maýsym. QazAqparat - Astanada búgin qalanyń balabaqshalaryna balalar qabyldaý bastaldy, dep habarlaıdy astana.kz saıty qalalyq Bilim basqarmasyna silteme jasap.
Eske salaıyq, Astanada bir aı boıy 25 sáýirden 25 mamyrǵa deıin balabaqshalarǵa qabyldaý jóninde konsýltatsııa berý úshin qurylǵan top jumys istegen bolatyn.
Bilim basqarmasynan atap kórsetkenindeı, bıylǵy jyly balabaqshalarda 4276 oryn bosady. Osy oryndarǵa búldirshinder qabyldanady.
Jeńildetilgen sanattar boıynsha qujattar qabyldaýdy jumys toby 25 mamyrǵa deıin qarap, jınaqtady jáne osy jınaqtaý aıasynda ǵana qarastyrady. Al, 25 mamyrdan keıin kelip túsken qujattar kelesi, 2014 jyldyń qabyldaýynda qarastyrylatynyn atap aıtqan mańyzdy.
Sondaı-aq, Basqarma balabaqshaǵa joldama turǵylyqty jeri boıynsha emes, tek bos oryn bolýyna baılanysty beriletinin de eskertedi
Eger balabaqshanyń ornalasqan orny ata-analardyń kóńilinen shyqpasa, onda joldama almaýyna bolady. Olardyń kezekteri sol kúıi saqtalady.
Balabaqshalarǵa qabyldaý búgin 2013 jyldyń 3 maýsymnan bastalyp, osy aıdyń aıaǵyna deıin jalǵasady. Jınaqtaý orny: №61 orta mektep (Qartaly kóshesi). Jumys ýaqyty: kún saıyn, 10-00-den - 18-00-ge deıin. Úzilis:13-00-den - 14-00-ge deıin. Demalys kúnderi - senbi, jeksenbi.
