Astanada balabaqshalarǵa elektrondyq joldama júıesi engiziledi
ASTANA. QazAqparat - 2017 jyldan bastap Astananyń balabaqshalaryna joldamalar www.e.astana.kz portaly arqyly elektrondyq túrde beriletin bolady. Bul ashyqtyqty qamtamasyz etip, ata-analarǵa úılerinen shyqpaı-aq joldama alýǵa múmkindik beredi.
Qala ákimdigi saıtynyń habarlaýynsha, qazirgi ýaqytta júıe pılottyq rejimde jumys isteýde, memlekettik tapsyrysy bar jeke menshik balabaqshalarǵa joldamalar berilýde. Memlekettik balabaqshalarǵa joldamalar berýge qatysty ata-analardyń baılanys málimetter qoryn ózektendirý máselesi pysyqtalýda.
Oryndardy úlestirý eresek toptardy mektepke shyǵaryp salǵan soń jyl saıyn júrgiziletin bolady.
