Astanada balabaqshalarǵa balalar qabyldaý aıaqtaldy
ASTANA. 11 shilde. QazAqparat - Mektepke deıingi mekemelerde balalar qabyldaý aıaqtaldy. 4276 balaǵa joldama berildi. Bul týraly astana.kz saıtyna qalalyq bilim basqarmasynan málim etti.
Balabaqshaǵa joldama turǵylyqty jerine qaraı emes, oryn bolýyna oraı berildi. Buǵan deıin astana.kz saıtynda jazylǵanyndaı, balabaqshalarda 4276 oryn bosaǵan bolatyn.
«4276 orynnyń barlyǵy da (ár jyldary týǵan sábıler úshin) bólindi. Olardyń: 3204 orny - kezekte turǵan balalar úshin (ár jyly dúnıege kelgen), 1072 oryn - jeńildik sanatyndaǵylar úshin (ár jyly dúnıege kelgen)»,- dep habarlaıdy vedomstvodan.
Sonymen qatar, basqarmada mektepke deıingi mekemege jeńildik sanatynda turǵan barlyq búldirshinderdi orynmen qamtý bir mezgilde múmkin bolmaǵandyqtan, bıyl jeńildetilgender qataryna ilikpegen qujattar kelesi 2014 jyly qaralatyndyǵyn atap kórsetti.
Sonymen birge, shilde aıynda jumys tobynyń músheleri eńbek demalysyna ketedi jáne ózderiniń jumystaryn jazdyń sońǵy kezeńinde ǵana bastaıdy.
Tamyz-shilde aılarynda keńes alý úshin, 5-6 jastaǵy balalarǵa arnalǵan qysqa merzimdi shaǵyn ortalyqqa qabyldaý jumysy bastaldy. Shaǵyn ortalyqqa joldama alý úshin balanyń týý týraly kýáligi jáne kezekke turý túbirtegin ótkizý kerek. Jumys toby ár sársenbi kúni 10.00-den - 17.00-ge deıin qujattar qabyldaıdy.
