Astanada balabaqshalarda 5800 sábıge oryn bosady
ASTANA. QazAqparat - Búgin Astanada balabaqshalarǵa balalar qabyldaý bastaldy. Bul týraly Astana qalalyq bilim basqarmasynyń bastyǵy Elmıra Sýhanberdıeva málim etti.
«Bizge árbir balabaqsha bosaǵan oryn sanyn beredi. Máselen, «Ásem-aı» balabaqshasynda bıyl 60 bala mektepke barady da, olardyń orny bosaıdy. Sol 60 orynǵa bizder kezekke baılanysty balalardy qabyldaımyz. Osy jyly 5 800 balaǵa oryn daıyndap otyrmyz»,- dedi ol.
Onyń atap ótýinshe, 2014 jyldyń sońyna deıin 15 balabaqshany paıdalanýǵa berý josparlanǵan. Jalpy, memlekettik balabaqshalardyń baǵasy ózgergen joq. Ol jyldaǵydaı 10-12 myń teńgeni quraıtyn bolady.
Bosaǵan oryndardyń 20-25 paıyzyna jeńildik kezeginde turǵandar, al qalǵanyna 2-6 jas aralyǵyndaǵy búldirshinder qabyldanady. Jeńildik 1-2 toptaǵy múgedek ata-analardyń balalaryna, ata-ananyń qamqorlyǵynsyz qalǵanda sábılerge, jetim balalarǵa, kópbalaly otbasynan shyqqan balalarǵa, áskerı qyzmetkerlerdiń balalaryna beriledi.
Al balabaqshalardaǵy bosaǵan oryndarǵa balalardy qabyldaý komıssııasy búginnen bastap 2 shildege deıin jumys isteıdi. Komıssııa №61 orta mektepte saǵat 15-00-den 18-00-ge deıin 300 adamdy qabyldaıtyn bolady.
