Astanada balabaqshalar men mektepter jylytý maýsymyna daıyndalýda
ASTANA. 22 tamyz. QazAqparat - Astanada bilim mekemeleri jylytý maýsymyna daıyndalyp jatyr. Bul týraly elordanyń Bilim basqarmasyna silteme jasap astana.kz saıtynan habarlady.
Jalpy bilim beretin 69 memlekettik mekteptiń 56-y ortalyqtan jylytylady, 12-i avtonomdy, bireýi elektr qýatymen jylytý júıesine qosylǵan. Barlyq jalpy bilim berý mekemelerinde qol qoıylǵan jylytý maýsymyna daıyndyǵy týraly tólqujattar bar, tek №46 mektep-gımnazııasynda kúrdeli jóndeý jumystary júrgizilýde jáne №52 mektepte ortalyqtan jylytýǵa aýysý boıynsha jóndeý jumystary qolǵa alynǵan. Barlyq jumystardy 1 qyrkúıekke deıin aıaqtaý josparlanǵan.
71 balabaqshanyń ishinde 60 nysan ortalyqtan jylytylady, 11-nde avtonomdy jylytý júıesi ornatylǵan.
Sonymen qatar, balabaqshalardyń bári jylytý maýsymyna daıyn. №8, 9, 19, 20, 23 mektepke deıingi bilim mekemelerinde kúrdeli jóndeý jumystary júrgizilip jatyr. №38 balabaqshada 1 qyrkúıekke deıin ortalyqtan jylytýǵa aýysý boıynsha jóndeý jumystaryn aıaqtaý josparlanǵan.
Al 10 tehnıkalyq jáne kásibı mekemelerdiń ishinde 8 nysan ortalyqtan, 2 avtonomdy jylytylady. Olardyń jylytý maýsymyna daıyndyǵy týraly tólqujattaryna qol qoıyldy.
