Astanada balabaqshaǵa joldama 4-30 maýsym aralyǵynda kezek boıynsha beriledi
ASTANA. 23 sáýir. QazAqparat - Kezekkke tirkelgen barlyq jas kezeńindegi balalar tobyn mektepke deıingi mekemege jasaqtaý bıylǵy jyldyń maýsym aıynyń 4-inen 30-yna deıingi aralyqta júrgiziledi.
Bul aqparatty Astana qalalyq ákimdiginiń baspasóz qyzmeti taratyp otyr.
Jasaqtaý júrgizý boıynsha jumys toby Konstıtýtsııa kóshesi, 44 meken-jaıynda ornalasqan № 26 mektepte kúndelikti (demalys kúnderden basqa) saǵat 09.00-den 18.00-ge deıin qabyldaý júrgizedi.
Joldama kezekke sáıkes qazirgi kúni jumys jasap turǵan balabaqshalar men qaıta tapsyrylǵan nysandarǵa beriletin bolady. Sonyń ishinde: № 4 balabaqshaǵa jalǵaı salynǵan qurylysta 90 oryn, № 9 balabaqshada 95 oryn, Saraıshyq kóshesindegi «Shuǵyla» balabaqshasynda 240 oryn, «Tolaǵaı» balabaqshasynda 280 oryn jáne Kóktal-1 kentiniń ońtústik shyǵysyndaǵy balabaqshada 280 oryn.
Óz kezeginde zańǵa sáıkes kórsetilgen jeńildik sanattaryna kiretin azamattardan kelip túsken qoldaý hattar qaralyp, onyń qorytyndysy boıynsha Jumys tobynyń sheshimi 1 shilde kúni № 26 orta mekteptiń aýmaǵynda ornalasqan aqparattyq taqtaǵa ilinetin bolady.
Mektepke deıingi bilim berý mekemesinde orynǵa úmitker balalardyń ata-analary kelesideı erejelerdi ustanǵany jón: joldama boıynsha Jumys tobyna júginbes buryn, aldymen jasaqtaý kestesin muqııat oqyp, tanysyp alýy qajet. Eger sizdiń kezegińiz bıylǵy jyly barlyq jas kezeńindegi balalarǵa bólingen oryndar sanyna kirgen jaǵdaıda ǵana joldamaǵa barýǵa bolady. Bul artyq dúrligis týdyrmaı ári Jumys tobyna qalypty qabyldaý júgizýge múmkindik beredi.
Jasaqtaý aıaqtalǵan soń 1 shildede Astana qalasynyń www.astana.kz resmı saıtynyń elektrondy qyzmetinen kezekterdiń jyljýyn qaraýǵa bolady.
Astana qalasynda balalarǵa mektepke deıingi bilim berý mekemelerinde toptardy jasaqtaý kestesi:
|
Týǵan jyly |
Jasaqtaý kúni |
Kezek nómiri (Kúnniń birinshi jartysy)
|
Kezek nómiri (Kúnniń ekinshi jartysy)
|
|
2010 j.t.
|
4.06.2012j. |
№1- №150 |
№151 - №300 |
|
5.06.2012 j. |
№301- №450 |
№450 - №600 |
|
|
6.06.2012 j. |
№600 - №855 |
|
|
|
7.06.2012 j. |
Qujattarmen jumys |
||
|
2009 j.t.
|
8.06.2012 j. |
№1 - №200 |
№2001 - №400 |
|
11.06.2012 j. |
№401 - №550 |
№551 - №698 |
|
|
12.06.2012 j. 13.06.2012 j. |
Qujattarmen jumys |
||
|
2008 j.t. |
14.06.2012 j. |
№1 - №300 |
|
|
№300 - №573 |
|||
|
15.06.2012j. |
Qujattarmen jumys |
||
|
|
|||
|
2007 j.t. |
18.06.2012 j. |
№1 - №150 |
№151 - №385 |
|
19.06.2012 j. |
Qujattarmen jumys |
||
|
2006 j.t. |
20.06.2012 j. |
№1 - №150 |
№151 - №214 |
|
21.06.2012 j. 29.06.2012 j. |
Qujattarmen jumys |
||
