Astanada balabaqshaǵa qabyldaý 4 maýsymda bastalady

ASTANA. KAZINFORM — Astana qalasynda 4 maýsymnan bastap jańa 2024-2025 oqý jylyna memlekettik jáne jekemenshik mektepke deıingi uıymdarda toptarǵa josparly qabyldaý bastalady. Bul týraly elorda ákimdiginiń resmı saıty jazdy. 

Ákimdiktiń málimetinshe, bıyl balabaqshalarda 28 826 oryn ashý josparlanǵan.

Atap aıtsaq, bala jasyna baılanysty bos oryndar tizbesin tómendegideı. 

- 1-2 jasqa – 147 oryn;
- 2 - 3 jasqa – 8 397 oryn;
- 3 - 4 jasqa – 8 253 oryn;
- 4 - 5 jasqa – 6 645 oryn;
- 5 - 6 jasqa – 5 350 oryn;
- 6 - 7 jasqa – 34 oryn.

Osy jyldyń 2 mamyrynan bastap barlyq memlekettik balabaqshalarda saǵat 8.00-den 18.00-ge deıin ata-analarǵa keńes berý ortalyqtary uıymdastyryldy.