Astanada balabaqshadan oryn alyp berýge ýáde etken alaıaq 4 jylǵa sottaldy
ASTANA. KAZINFORM- Astana turǵyny 2GIS qosymshasy arqyly balalaryna balabaqshadan oryn izdegen ata-analardy aldap, toǵyz adamnan 590 myń teńge alǵan. Sot úkimimen oǵan 4 jylǵa bas bostandyǵynan aıyrý jazasy taǵaıyndaldy, dep habarlaıdy qalalyq prokýratýranyń baspasóz qyzmeti.
Tergeý derekterine sáıkes, ol segiz aı boıy 2GIS qosymshasy arqyly balabaqshaǵa balasyn ornalastyrǵysy kelgen ata-analardy izdegen. Olarmen baılanysqa shyǵyp, óz qyzmetterin usynyp, tanystary arqyly mektepke deıingi mekemeden oryn alyp berýge ýáde etken.
Onyń ýádelerine sengen toǵyz turǵyn oǵan jalpy somasy 590 myń teńge aýdarǵan.
Sot jábirlenýshilerdiń azamattyq talaptaryn qanaǵattandyrdy.
Qala prokýratýrasy azamattardy saq bolýǵa jáne balabaqshalardan oryn alý máseleleri boıynsha tek resmı portaldar men ýákiletti memlekettik organdarǵa júginýge shaqyrady.
Qyzylorda oblysynda balabaqsha esepshisi 21,5 mln teńge jymqyrdy degen kúdikke ilindi.
