Astanada balabaqsha men turǵyn úı kesheninde órtke qarsy oqý-jattyǵý ótedi
ASTANA. KAZINFORM — Elordadaǵy balabaqsha men turǵyn úı keshenine arnaıy tehnıka jumyldyrylady, dep habarlaıdy TJM baspasóz qyzmeti.
2026 jylǵy 13 qarashada saǵat 10:00-de A. Baıtursynuly kóshesi, 41/1 mekenjaıynda ornalasqan «Qarlyǵash» balabaqshasynda, sondaı-aq Qabanbaı batyr dańǵyly, 46B mekenjaıyndaǵy «Zıma-3» turǵyn úı kesheninde órt-taktıkalyq oqý-jattyǵýlary ótkiziledi.
Oqý-jattyǵýlarǵa Astana qalasy Tótenshe jaǵdaılar departamentiniń jeke quramy men arnaıy tehnıkasy jumyldyrylady.
— Osyǵan baılanysty Astana qalasynyń Tótenshe jaǵdaılar departamenti turǵyndar men qala qonaqtaryn sabyr saqtaýǵa, oqý-jattyǵýlarǵa túsinistikpen qaraýǵa jáne shyndyqqa sáıkes kelmeıtin aqparatty taratpaýǵa shaqyrady, — delingen habarlamada.
Osydan buryn Astanada 13 qarashada terrorızmge qarsy oqý-jattyǵý ótetinin jazǵanbyz.