Astanada balabaqsha qyzmetkerlerine 1 mlrd teńge jalaqy qaryzy tólendi
ASTANA. KAZINFORM — Astanadaǵy mektepke deıingi uıymdardyń qyzmetkerlerine 1 mlrd teńge jalaqy qaryzy tólendi
Astana qalasy Saryarqa aýdanynyń prokýratýrasy mektepke deıingi bilim berý uıymdarynyń qyzmetkerlerine eńbekaqy men ózge de áleýmettik aýdarymdardy ýaqtyly tóleý máseleleri boıynsha eńbek zańnamasynyń saqtalý jaı-kúıine taldaý júrgizdi.
— Taldaý nátıjesinde qaladaǵy mektepke deıingi uıymdardyń 2 100 qyzmetkerine eńbekaqy tólemeý, mindetti zeınetaqy jarnalary, áleýmettik salyqtar men medıtsınalyq saqtandyrý tólemderin aýdarmaý derekteri anyqtaldy.
Qadaǵalaý aktisin qaraý nátıjesinde 1 mlrd teńge mólsherindegi eńbekaqy boıynsha bereshek tolyq óteldi, — delingen Astana qalasynyń prokýratýrasy habarlamasynda
Jol bergen buzýshylyqtar úshin laýazymdy tulǵa tártiptik jaýaptylyqqa tartyldy.
Aıta ketelik Úkimet eń tómengi jalaqy mólsherin arttyrý ıdeıasynan bas tartqan edi.