Astanada balabaqsha dırektory bıýdjet qarajatyn urlaǵan

ASTANA. KAZINFORM — «Almaty» aýdanynyń prokýratýrasy memlekettik tapsyrys sheńberinde elorda balabaqshalarynyń birine tekserý júrgizý barysynda mektepke deıingi bilim berý salasynda tabeldeý arqyly balabaqshaǵa barmaǵan balalarǵa bólingen bıýdjet qarajatyn urlaý faktisin anyqtaǵan.

Astana qalasy prokýratýrasynyń málimetinshe, 2021 jylǵy maýsym men 2023 jylǵy qyrkúıek aıynyń aralyǵynda balabaqsha meńgerýshisi bıýdjet qarajatynan negizsiz tólemder alǵan.

Qylmystyq áreketterdiń nátıjesinde memleketke 8,5 mln teńgeden astam shyǵyn keltirilgen.

Kináli tulǵa 3 jyl merzimge kommertsııalyq uıymdarda basshylyq laýazymdardy atqarý quqyǵynan aıyryla otyryp, sottaldy.

Zalal tolyq kólemde óteldi. Úkim zańdy kúshine endi.