Astanada balabaqsha aýmaǵynda órt shyqty
ASTANA. QazAqparat - Búgin saǵat 07.34-te Saryarqa aýdany «Kóktal-1» turǵyn úı alabynda ornalasqan «Baldáýren» memlekettik emes balabaqshasy aýmaǵynda órt shyqty. Bul týraly QazAqparatqa QR ІІM TJK baspasóz qyzmeti habarlady.
«Jeke turǵan ashana, qazandyq jáne kómir saqtaıtyn qoımanyń tóbesi janǵan. Órt 30 sharshy metr aýmaqty sharpyǵan. Ol saǵat 07.51-te aýyzdyqtalyp, 08.15-te sóndirildi. Órttiń saldarynan 1973 jylǵy balabaqsha sharýashylyq jumysshysy ıis tıip ýlanyp, aýrýhanaǵa tústi», - delingen TJD habarlamasynda.
Órt bolǵan kezde balalar balabaqsha aýmaǵynda bolmaǵan, dep naqtylady TJK baspasóz qyzmeti.
Jalyndy sóndirýge 12 órt sóndirýshi men 4 tehnıka jumyldyryldy. Qazir sarapshylar oqıǵanyń mán-jaıyn anyqtap jatyr. 
