Astanada bala tárbıesine qatysty 46 eresek adam ártúrli ákimshilik jazaǵa tartyldy
ASTANA. 5 naýryz. QazAqparat - Astanalyq polıtseıler «Problema jaıly birge aıtaıyq!» jedel-aldyn alý is-sharasynyń qorytyndysyn shyǵardy. Bul týraly Astana qalasy ІІD-niń baspasóz qyzmeti málim etti.
Vedomstvonyń baspasóz qyzmetinen habarlaǵanyndaı, is-sharany ótkizýdegi maqsat - tárbıesi nashar otbasylardy anyqtaý jáne olarmen aldyn alý jumystaryn júrgizý, kámelet jasyna tolmaǵandar arasyndaǵy esirtkimen, maskúnemdikpen, ózine-ózi qol salýmen jáne basqa da quqyq buzýshylyqtarmen kúresý. Shara aıasynda qalanyń barlyq oqý oryndarynda dárister, dóńgelek ústelder, semınarlar jáne trenıngter uıymdastyrylǵan. Buǵan qosa, kámelet jasyna tolmaǵandar arasynda narkologııa salasyndaǵy qaýip tobyn erte anyqtaý tehnologııalarymen tanystyrý maqsatynda №60 mekteptiń bazasynda ıývenaldyq polıtsııa qyzmetkerlerine arnalǵan semınar ótkizildi.
Belgili bolǵanyndaı, «Problema jaıly birge aıtaıyq!» is-sharasyn ótkizý barysynda 12 tárbıesi nashar otbasy anyqtaldy. Olarǵa arnap qyzyqty kóńil kóterý sharasy uıymdastyryldy - balalar «Dınamo» sport keshenindegi sport sektsııalaryna bardy jáne júzýdi úırendi.
Sonymen qatar, polıtsııa qyzmetkerleri sharany ótkizý kezinde kámelet jasyna tolmaǵandardyń kóptep jınalatyn oryndarynda - oıyn-saýyq mekemelerinde, baqtarda, skverlerde, vokzalda jáne oǵan jaqyn jerlerde tekserý júrgizdi. 46 eresek adam ártúrli quqyq buzǵany úshin (ata-analardyń balalaryn tárbıeleý boıynsha mindetterin oryndamaǵandar, kámelet jasyna tolmaǵandarǵa temeki satqandar jáne basqalar) ákimshilik jazaǵa tartyldy.
Іs-sharaǵa ıývenaldyq polıtsııa, UQKB, EKB qyzmetkerleri, Astana qalasy Bilim basqarmasy, Balalardyń quqyqtaryn qorǵaý departamenti, densaýlyq saqtaý, prokýratýra, «Nur Otan» HDP «Jas Otan» Jastar qanaty jáne ata-analar komıtetteriniń ókilderi qatysty.
