Astanada bala eńbeginiń qanalýy máselelerine oraı zań keńesteri berilýde
ASTANA. QazAqparat - Astanada «Bala eńbegin qanaýǵa qarsy 12 kún» ulttyq aqparattyq kampanııasy (UAQ) ótkizildi.
Astana qalasy Bilim basqarmasynyń habarlaýynsha, bul shara Qazaqstanda onynshy jyl qatarynan uıymdastyryldy, dep habarlaıdy astana.kz . Shara 1 maýsym - Halyqaralyq balalardy qorǵaý kúnine jáne 12 maýsym - Dúnıejúzilik balalar eńbegin paıdalanýǵa qarsy kúnge arnalǵan. Bıyl atalmysh naýqan «Bala eńbegin birge joıamyz» uranymen 1-12 maýsym aralyǵynda uıymdastyryldy. Shara aıasynda Oqýshylar saraıynda «Balalyq shaq boıtumary», qalalyq saıabaqta «Sálem, jaz», QR Qarjy mınıstrliginiń aldynda «Shýaqty Astana» atty merekelik baǵdarlamalar; «Bala quqyqtarynyń qorǵalýy - demokratııa kórsetkishi», «Bala eńbegi. Barlyǵy «ıá» jáne «qarsy» atty dóńgelek ústelder ótkizildi. Sonymen qatar «Táýekel toptary» atty jasóspirimderdiń qatysýymen ótken balalar eńbeginiń aldyn alý boıynsha psıhologııalyq trenıng; «15 - bala eńbegine jatpaıdy», «Bala eńbegi» sharalary uıymdastyrylyp, «QR Densaýlyq saqtaý jáne áleýmettik damý mınıstrliginiń Qazaqstan Respýblıkasyndaǵy balalar eńbegi týraly beınejazbasy» kórsetilip, «Biz baqytty búldirshinbiz» atty flesh-mob ótkizildi. Joǵary synyp oqýshylarynyń balalar eńbegi máselesi boıynsha habardar ekendigin anyqtaý maqsatynda saýalnama júrgizildi. «Jumys usynady? Seniń áreketteriń» atty trenıng; «Ata-analardyń quqyqtyq saýattylyǵy - balalar quqyǵyn qorǵaý kepili» atty ata-analar jınalysy; «Bala eńbegi - qatygez shyndyq» atty semınar jáne «Biz balalar eńbegine qarsymyz» atty mektep oqýshylaryna dárister men áńgimeler uıymdastyryldy. Synyp jetekshileri quqyq qorǵaý organ ókilderiniń qatysýymen «Ata-analardyń quqyqtyq saýattylyǵy - balalar quqyǵyn qorǵaý kepili» atty jınalysty ótkizdi. Ústimizdegi jyldyń 17 maýsymyna deıin balalar eńbegin paıdalaný boıynsha jasóspirimder men eresekterge zań keńesteri beriledi.
