Astanada «Bala daýysy» baıqaýynyń irikteýi ótkizildi
ASTANA. QazAqparat - 9-10 shildede Astanada Álııa Nazarbaevanyń «Bala daýysy» І Ulttyq balalar án baıqaýynyń irikteýi ótkizildi. 7 - 13 jas aralyǵyndaǵy elordanyń kishkentaı turǵyndarynyń tamyljyǵan qaıtalanbas daýystary M.Ótemisov atyndaǵy Oqýshylar saraıynda shyrqaldy.
21 mamyrdan bastap eldiń 8 aımaǵynan 1 487 bala bas keıipkerine aınalǵan balalyq shaq pen mýzykanyń qaıtalanbas merkesi bas qalanyń Týǵan kúnin toılaý qarsańynda Astanada ótti. 185 ul men qyz tań sáriden bastap Oqýshylar saraıynyń holynda daýystarynyń mánerin keltirip, al eń tapqyrlary týra Esil ózeniniń jaǵasynda tyńdaýǵa daıyndalyp jatty.
«Astananyń búkil sulýlyǵyn tamashalap, ony týǵan kúnimen quttyqtaý úshin Astanaǵa týystarymyzǵa keldik! Ózen jaǵalaýynda serýendeýdi sheshtik, bul jerden shyrqap án salǵan balalardy kórip tań qaldyq! Bul sondaı keremet ári ǵajaıyp boldy, óıtkeni balalardyń tamyljyǵan daýystary men balbul janǵan jaıdarman júzderi beıbitshilik pen ıgilikitń nyshany! «Bala daýysyna» sátti sapar tileımiz jáne týǵan Aqtaý qalasynda ótetin kastıngke balalarymyzdy mindetti túrde ertip ákelemiz» - dep Sáýle Ábdrahmanova óz oıymen bólisti.
Otan týraly lırıkalyq ánder, balalyq armandar týraly kóńildi týyndylar, balalardyń oryndaýyndaǵy tanymal hıtter belgili «Rıngo» tobynyń solısi Danııar Ótegen bastaǵan kásibı qazylar alqasynyń múshelerine qatty unady.
Danııar «Astananyń eń úzdik bala daýysynyń» tálimgeri bolady jáne kúz sońynda bolatyn baıqaýdyń fınalynda ony óner kórsetýge daıyndaıdy. «Búgin biz óz tańdaýymyzdy jasadyq. Ońaı bolmaǵanyn moıyndaımyz, óıtkeni júzden bir ǵana júırikti tańdaý kerek edi. Biz árbir balaǵa muqııat kóńil bóldik jáne olardy júregimizben tyńdadyq! Bizdi alda uzaq ári óte qyzyqty jol kútip tur. Baıqaýdyń fınalyna óte muqııat daıyndalamyz: qazan aıynda barlyq aımaqtan kelgen balalar Almaty qalasyndaǵy «Bala daýysy» teatr stýdııasynda tálim alady. Árbir balaǵa arnap múldem jańa án jazylady - bizdiń baıqaýymyzdyń basty ereksheligi de osynda! Bizdiń jeńimpazymyz sııaqty barlyq balalar ózderin bedeldi ustap, olardy bizdiń barsha telekórermender súıip tyńdaıdy dep úmittenemin, óıtkeni olardyń tabıǵı daýystaryna kóp nárse táýeldi bolady», - dedi Danııar.
«Astananyń eń úzdik bala daýysy» jáne «Bala daýysy» ulttyq balalar án baıqaýynyń fınalısi 13 jasar Málıka Smaǵulova boldy, bul vokaldyq qabileti joǵary bala. Málıka №54 mektep lıtseıinde oqıdy jáne Aıman Musaqojaevanyń mýzyka mektebinde mýzykalyq bilim alýda. Málıka án salýmen 5 jasynan bastap shuǵyldanyp keledi, fortepıanoda oınap, óz repertýaryn djaz, pop jáne R&B mánerindegi ándermen tolyqtyryp otyrady.
Baıqaýdyń sońǵy synyna joldama retinde berilgen «Tańǵajaıyp notany» alǵannan keıin Málıka: «Meniń eń izgi armanym - aıtýly ánshi bolý. Búgin meniń kóńilim tolqyp tur, kókiregimdi qýanysh pen baqyt kernep tur. Men qashan da jeńiske qol jetkizgim keletin jáne sol jeńiske bar jan tánimmen umtyldym. Maǵan qoldaý kórsetip, maǵan senim bildirgen jandardyń barlyǵyna alǵysymdy bildiremin!», - dedi.
«Bala daýysy» baıqaý elimizdiń keń dalasyn sharlap, óz shyǵarmashylyq jolyn jalǵastyrady, birneshe kúnnen soń komanda Soltústik Qazaqstan oblysyna at basyn tireıdi.
