Astanada baqılyq bolǵan tanymal jýrnalısterdi eske alý keshi ótti
ASTANA. QazAqparat - «QazMedıa» ortalyǵynda ómirden ótip ketken 15 daryndy jýrnalıst-qalamgerdi eske alýǵa arnalǵan «Olardyń esimderi máńgi júregimizde» atty kesh bolyp ótti, dep habarlaıdy «QazAqparat» HAA tilshisi.
Eske alý keshi Astananyń ósip-órkendeýine ólsheýsiz úles qosqan, óz tusynda Elordanyń tynys-tirshiligin jarqyrata kórsetip, áleýmettiń jaqtaýshysy bolǵan daryndy jýrnalıster men qalamgerlerge arnaldy. Farıza Ońǵarsynova, Nurǵoja Oraz, Keńes ıÝsýp, Dıdahmet Áshimhanuly, Alekseı Pan, Marat Aqqul, Smaǵul Rahymbek, Svetlana Galıeva, Sembaı Qısymuly, Erlan Aqmýrzın, Álııa Júsipova, Olga Kozlova, Azamat Qalymbetov, Aıjan Jumabaeva men Sergeı Nasyrov kúni keshe ǵana el úshin eńbektenip ótkenin kópshilik umytqan joq. Olardyń qaı-qaısysy bolmasyn kózden ketse de kóńilden ketpeı, talantty jýrnalıst, aqyn ári jazýshy, qoǵam qaıratkeri retinde kópti moıyndatqany shyndyq. Keshtiń uıymdastyrý alqasy osynaý máni zor mádenıetti is-sharany Astana qalasynyń 20 jyldyǵyna tuspa-tus ótkizip otyr.
Shyǵarmashylyq keshti «Túgel Medıa» birlestigi, QR Tuńǵysh Prezıdenti - Elbasy qory, «Uly Dala Qyrandary» qoǵamdyq mádenı-áleýmettik qozǵalysy uıymdastyryp otyr. QR eńbek sińirgen qaıratkeri Sádibek Túgel keshti júrgizip, qalamgerlerdiń árqaısysynyń eńbekterinen syr shertti.
Sonymen qatar, shara barysynda ómirden ótken jýrnalısterdiń otbasyna QR Tuńǵysh prezıdent qory men Astana qalasynyń ákimdigi atynan estelik syılyqtar tabystaldy.
«Qalamgerler men jýrnalıster Táýelsiz elimizdiń ósýine, Astananyń órkendeýine olar zor úlesin qosa bildi. Olardyń eńbekterin árqashan baǵalaýymyz kerek. Olar jas býynǵa baǵyt-baǵdar bere bildi. Elbasymyz memlekettiń mádenı salasyna árdaıym úlken kóńil bólip keledi. «Rýhanı jańǵyrý» baǵdarlamasynyń arqasynda qoǵamymyzǵa qajetti keremet jobalardyń joly ashyldy. Tuńǵysh Prezıdent qory aqyn, jazýshy, mýzykant, qoǵam qaıratkerlerimen tyǵyz jumys atqaryp keledi. Búgingi keshti uıymdastyrylýyna qorymyzdyń at salysýy sol adamdardyń eńbegin umytpaı, esimin ulyqtaýǵa septigin tıgizer degen senimdemiz», - dedi Tuńǵysh Prezıdent qory atqarýshy dırektorynyń orynbasary Sultan Aıtjanov.
