Astanada baqylaý kameralary qansha quqyq buzýdy áshkerelegeni belgili boldy
ASTANA. KAZINFORM – Elordadaǵy iKOMEK109 ortalyǵy qala aýmaǵyna ornatylǵan 12 myńnan astam beınebaqylaý kamerasyna qosylǵan. Sonyń arqasynda ortalyq operatorlary polıtsııa qyzmetkerlerimen birlese otyryp, jyl basynan beri 15 709 quqyq buzýdy anyqtady.
Kameralardyń basym bóligi jol bóligin, qıylystardy, adamdar kóp jınalatyn oryndardy – saýda ortalyqtaryn, meshitterdi, iri avtobýs aıaldamalaryn, vokzaldardy qamtıdy.
Qaýipsizdikti tıimdi úılestirý men ortalyqtandyrylǵan baqylaýdy qamtamasyz etý úshin iKOMEK109 ortalyǵynda Astana Polıtsııa departamentiniń qyzmetkerleri jumys isteıdi.
Osylaısha, quqyq qorǵaý organdarymen birlesip operatorlar 2025 jyldyń basynan beri 15 709 quqyqbuzýshylyqty anyqtady, olardyń 1 027-si boıynsha hattama rásimdeldi, onyń ishinde:
QR ÁQBtK 441-bap (qoǵamdyq oryndardyń jekelegen túrlerinde temeki ónimderin tutynýǵa tyıymdy buzý) – 9480;
434-bap (usaq buzaqylyq) – 2833;
440-bap (alkogoldik ishimdikter ishý nemese qoǵamdyq oryndarǵa mas kúıinde kelý) – 236;
505-bap (kóriktendirý erejelerin buzý) – 298;
449-bap (qoǵamdyq orynda tıisý) – 44;
204-bap (belgilenbegen orynda saýda jasaý) – 18;
590-bap (kólik quraldaryn paıdalaný erejelerin buzý) – 3;
615-bap (jaıaý júrginshiler men ózge de jol qozǵalysyna qatysýshylardyń qozǵalys erejelerin buzý) – 2777;
196-bap (taýarlardy nemese ózge de zattardy zańsyz saýdalaý) – 14;
597-bap (jol qozǵalysyna qatysýshylardyń ereje buzýy, apatty jaǵdaı týǵyzý) – 2;
593-bap (jolaýshylar men júkterdi tasymaldaý, qaýipsizdik beldigin nemese qaýipsizdik shlemdi paıdalaný talaptaryn saqtamaý) – 2;
596-bap (joldyń júrý bóligine kólik quralyn qoıý, qarsy qozǵalyspen ótý nemese basyp ozý erejelerin buzý) – 2.
Barlyq anyqtalǵan quqyqbuzýshylyq tirkelip, tártip buzýshylar jaýapkershilikke tartylady.
Aıta ketelik Astanada demalys kúnderi ótetin jármeńkede eki oblystyń fermerleri ónimderin usynady.
