Astanada BAQ-ta tildiń normaǵa saı qoldanylýyna baılanysty trenıng ótedi

ASTANA. QazAqparat - Qazaqstan jýrnalısteriniń kásibı merekesi qarsańynda Memlekettik tildi damytý qory jýrnalısterge arnalǵan «Kórkem SOYLE» atty medıa-trenıng ótkizedi, dep habarlaıdy QazAqparat.

Atap aıtqanda, trenıngke elimizdiń barlyq aımaqtarynan BAQ ókilderi, radıo, telearna, aqparat agenttikteri, merzimdi baspasóz ben ınternet basylymdarynyń jýrnalısteri qatysady dep kútilýde.

«Trenıng «Telearnalardaǵy memlekettik til», «Radıojýrnalıstıkada memlekettik tildiń qoldanylý máseleleri», «Merzimdi baspasóz jáne memlekettik til», «Qazaqtildi ınternet portaldar», «PR-tehnologııalarda memlekettik tildi qoldaný erekshelikteri» taqyryptaryn qamtıdy. Atalǵan taqyryptar boıynsha osy saladaǵy jetekshi mamandar men belgili saıasattanýshylar, til mamandary, jýrnalıster, qoǵam qaıratkerleri dáris oqıdy»,-deıdi uıymdastyrýshylar.

Іs-shara mazmunyna BAQ-ta memlekettik tildiń normaǵa saı qoldanylýy, til mádenıetin jetildirý, jýrnalısterdiń kásibı biliktiligin arttyrý máseleleri arqaý bolady. Shara barysynda qatysýshylar paıdaly aqparat almasý, mamandardyń keńesin alý jáne ózara tájirıbemen, ıdeıamen, oı-pikirmen bólisý múmkindigine ıe bolady. Trenıng sońynda ár qatysýshyǵa arnaıy sertıfıkat tapsyrylady.

Aıta keteıik, «Kórkem SOYLE» medıa-trenıngi 26 - 27 maýsymda Astanadaǵy «Tilep Qobyz Saraıynda» ótedi.