Astanada BAQ ókilderi arasynda shaǵyn fýtboldan týrnır ótedi
ASTANA. QazAqparat - Astanada «Habar» agenttiginiń uıymdastyrýymen BAQ ókilderi arasynda shaǵyn fýtboldan respýblıkalyq týrnır ótedi, dep habarlaıdy QazAqparat tilshisi.
«Habar» agenttiginiń kýbogyna arnalǵan dástúrli jarys osymen úshinshi márte uıymdastyrylǵaly otyr.
Ala dop saıysy «Astana Arenada» 22 qazan kúni tańǵy 09:00-de bastalady. Jarysqa 16 komanda qatysady. Astanadaǵy baspasóz ókilderinen bólek, Almaty men Soltústik Qazaqstan oblysynyń tilshileri de týrnırge qatysýǵa arnaıy kele jatyr. Jeńimpazdar men júldegerler baǵaly syılyqtarmen marapattalady.
