Astanada Backstreet Boys kontserti kezinde shattl-marshrýttar iske qosylady

ASTANA. KAZINFORM — Erteń Astanada áıgili Backstreet Boys tobynyń kontserti ótedi. Kórermenderdiń yńǵaılylyǵy úshin bul kúni arnaıy avtobýstar uıymdastyrylady. Bul týraly Astana qalasynyń ákimdigi habarlady.

Shattl-avtobýstar kórermenderdi kontsert ótetin «Astana Arena» stadıonyna jetkizedi.

Kórermenderdi jetkizý saǵat 16:00-den bastap bes aıaldamadan bastalady. 

• «Astanalyq tsırk» avtoturaǵy;
• «Áziret Sultan» meshitiniń avtoturaǵy;
• «Qazaqstan» sport kesheni (Q.Sátbaev kóshesi) aldyndaǵy avtoturaq;
• Ortalyq saıabaq avtoturaǵy;
• «Bas meshit» aldyndaǵy avtoturaq.

Qosymsha shattl-marshrýttardyń uıymdastyrylýy joldaǵy kólik keptelisin azaıtyp, qala turǵyndary men qonaqtarynyń yńǵaılylyǵyn qamtamasyz etedi.

Aıta keteıik, buǵan deıin Almatyda Backstreet Boys kontsertinde 2,5 myń polıtseı qaýipsizdikti qamtamasyz etetinin jazǵanbyz.