Astanada B.Shákimovtyń «Qyr astynda ne bar?» atty kitabynyń tusaýkeseri ótti
ASTANA. 14 aqpan. QazAqparat /Gúlmıra Álıakparova/ - Búgin Astanada Reseı Jazýshylar odaǵynyń múshesi Bolat Shákimovtyń «Qyr astynda ne bar?» atty kitabynyń tusaýy kesildi.
B.Shákimovtyń kitaby 2010 jyly «Rossııskıı pısatel» baspagerler úıinde basylyp shyǵyp, aǵymdaǵy jyldyń 10 jeltoqsanynda Máskeýde qalyń jurtshylyqqa tanystyryldy.
Kitapqa ár jyldary jazylǵan áńgimeler men povester endi. Avtor zamannyń qaterlerine birigip qarsy turatyn, úkilegen úmitterin úlken senimge ushtastyryp, aralasyp-quralasyp birge ómir súretin qazaqtar men orystar týraly jáne Aqjaıyqtyń darqan dalasy jaıynda lırıkalyq jáne monýmentaldyq kartınany kóz aldyńa ákeledi.
«Bul tamasha orys prozasy. Biraq maǵan orys oqyrmanyna, ol qazaq halqynyń rýhanı bolmysyn ashty jáne ol sózsiz qazaqtyń ulttyq jazýshysy», - dedi Reseı Jazýshylar odaǵy basqarmasynyń hatshysy, «Rossııskıı pısatel» gazetiniń bas redaktory Nıkolaı Doroshenko.
Batys Qazaqstan oblysy Bórli aýdanynyń ákimi B.Shákimov «Qyr astynda ne bar?» kitaby úshin V.Pıkýl atyndaǵy halyqaralyq ádebı syılyqtyń dıplomymen jáne altyn medalimen marapattaldy.
B.Shákimov, áńgimeleri qazirgi orys prozasynyń «Tańdaýly» aıdaryna engen jalǵyz qazaqstandyq jazýshy.
