Astanada azyq-túlikti arzan baǵamen qaıdan alýǵa bolady
ASTANA. QazAqparat - Astanada arzan baǵamen turaqtandyrý qoryndaǵy azyq-túlik ónimderi satylyp jatyr, dep habarlaıdy QazAqparat Elorda Info saıtyna silteme jasap.
Qalalyq Investıtsııalar jáne kásipkerlikti damytý basqarmasynyń málimetine sáıkes, ónimder elimizdiń ár aımaǵyndaǵy iri taýar óndirýshilerden satyp alynǵan.
Búgingi tańda arzandatylǵan azyq-túlikter «Shapaǵat» kommýnaldyq bazarynda, «Alma» sýpermarketter jelisinde, «Azat» saýda úıinde satylýda. Atap ótilgendeı, munda kartopty - 60 teńgeden (qala boıynsha ortasha baǵa - 85 teńge), qantty - 230 teńgeden (251 teńge), kúrishti 190 teńgeden (268 teńge) alýǵa bolady.
Aıta keteıik, turaqtandyrý qoryna ónimder maýsymaralyq kezeńde baǵanyń qymbattaýyna jol bermeý úshin satyp alynady.
