Astanada azyq-túlik jáne medıtsınalyq ónim óndirýshileriniń semınary ashyldy
ASTANA. 5 sáýir. QazAqparat - Astana qalasynda «Azyq-túlik pen medıtsınalyq ónimderdi elektrondy zararsyzdandyrý» atty Halyqaralyq semınar ótti. Oǵan Reseı, Belarýs, Ózbekstan, Ýkraına jáne Qazaqstan elderi, sondaı-aq, 22 uıym qatysty. Olardyń ishinde Qazaqstan Respýblıkasynyń memlekettik organdarynyń, ulttyq kompanııalardyń ókilderi, bes eldiń ınnovatsııalyq tehnologııalar salasyndaǵy jan-jaqty mashyqtanǵan mamandary, sonymen qatar azyq-túlik, farmatsevtıkalyq preparattar men medıtsınalyq ónimderdi otandyq jáne sheteldik óndirýshiler bar.
Semınarda zararsyzdandyrý úshin elektrondardyń údetkishin paıdalaný, azyq-túlik ónimderin elektrondy zararsyzdandyrý, medıtsınalyq baǵyttaǵy ónimderdi elektrondy zararsyzdandyrý sııaqty taqyryptar talqyǵa salyndy.
«ıAdrolyq tehnologııalar parki» AQ basqarma bastyǵy Ádil Tóleýshevtiń aıtýynsha, álemdik tájirıbede azyq-túlikterdiń ár túrli túrleri úshin radıatsııalyq óńdeýdiń ońtaıly joly anyqtalyp, ónerkásiptik zertteýler jasalǵan. Kartop pen sarymsaqty ósirý, keptirilgen jemisterdi dezınsektsııalaý, jemis-jıdekterdiń, kókónisterdiń, et pen et ónimderiniń saqtalý merzimderin uzartý úshin, mıkroaǵzalardyń tirshilik árketterin jartylaı nemese ýaqytsha basýǵa, azyq-túlikterdi óńdeýge arnalǵan jumystardyń qaýipsiz jaǵdaıy jasalǵan.
«Eń bastysy, bul ekonomıkalyq paıda men ekologııalyq qaýipsizdik máselesi. Sondyqtan biz búgin osy máseleni jan-jaqty talqylap, álemdik tájirıbe negizinde semınarǵa qatysýshy elderdiń azyq-túlik jáne medıtsınalyq taýarlaryn elektrondyq zalalsyzdandyrý ádisteriniń zamanaýı bet-beınesin qalyptastyrý ústindemiz», - dep atap ótti ol.
Sharany QR Indýstrııa jáne jańa tehnologııalar mınıstrliginiń qoldaýymen «ıAdrolyq tehnologııalar parki» AQ uıymdastyryp otyr.
