Astanada azyq-túlik tapshylyǵy baıqalmaıdy
ASTANA. 1 tamyz. QazAqparat - Búginde elordanyń ózin-ózi azyq-túlik ónimderimen qamtý kólemi ósip keledi. Bul týraly Astananyń azyq-túlik beldeýin damytý máselesine arnalǵan jıynda qala ákiminiń orynbasary Ersaıyn Naǵaspaev málim etti.
Onyń habarlaýynsha, 2011 jyly Astananyń azyq-túlik beldeýinen dúken sórelerine jetkizilgen ónimderdiń kólemi 13 paıyzdy qurasa, ótken jyly bul kórsetkish 35 paıyzǵa jetti. «Demek, dınamıka bar. Sondyqtan biz bul kórsetkishterdi arttyratyn bolamyz dep oılaımyn. Baıqap qarasańyz, búginde qalada azyq-túlik ónimderiniń tapshylyǵy baıqalmaıdy, birde-bir ónim túri boıynsha tapshylyq joq. Oǵan kez kelgen dúkenge baryp, kóz jetkizýge bolady», - deıdi E.Naǵaspaev.
