Astanada azyq-túlik ónimderiniń qaýipsizdigi baqylaýǵa alyndy
ASTANA. QazAqparat - Búgin Astanada «Sharyn», «Ásem» jáne «Artem» bazarlarynda «Tutynýshyǵa qaýipsiz ónim» aktsııasy ótkizildi, dep habarlady astana.kz.
Astana qalasy Tutynýshylardyń quqyqtaryn qorǵaý departamentiniń habarlaýynsha, shara aıasynda saýda oryndarynda adamdar kúndelikti tutynyp júrgen azyq-túlikteri men jemis-jıdekteriniń sapasyn tekserip, kóp maǵlumat aldy. Departament mamandarynyń aıtýynsha, kókónis ónimderi satylymǵa túskeli beri nıtrattardyń mólsherin anyqtaý úshin 1555 synama alynǵan. Sonyń ishinde 7 synamada (qaýyn, qulpynaı, órik, júzimde) nıtrat mólsheri shamadan artyq bolǵany anyqtaldy. Atalǵan másele boıynsha, departamentte arnaıy turaqty baılanys jelisi qyzmet etedi. Ol úshin 31-71-37, 31-79-92, 31-55-02 telefondaryna habarlasyp, keńes alýǵa bolady, delingen habarlama.
