Astanada azot oksıdin zańsyz satý faktileri anyqtaldy

ASTANA. KAZINFORM —  Astana qalasy prokýratýrasynyń úılestirýimen Polıtsııa departamentiniń qyzmetkerleri profılaktıkalyq jáne jedel is-sharalar keshenin júrgizdi. 

Nátıjeside birqatar kóńil-kóterý mekemesinde 20-dan astam azot totyǵy ballony anyqtalyp, tárkilendi. 

Atalǵan derekter boıynsha Qylmystyq kodeksiniń 301-babynyń 1-bóligi boıynsha 6 qylmystyq is qozǵaldy.

Azot totyǵyn, ıaǵnı «kúldiretin gazdy» zańsyz satý qoǵamda úlken alańdaýshylyq týdyrýda.

— Atalǵan zat kúshti áser etetin zattar qataryna jatqyzylǵan jáne azamattardyń ómiri men densaýlyǵyna eleýli qaýip tóndiredi. Ony tutynýǵa baılanysty densaýlyqqa aýyr zııan keltirý jáne ólimmen aıaqtalǵan jaǵdaılar tirkelgen. Sonymen qatar, bul zatty paıdalaný azamattardyń esirtki zattaryn qoldanýǵa tartylýyna jıi sebep bolýda, — delingen prokýratýra habarlamasynda.

Aıta ketelik lıtsenzııasyz marganets óndirgen kásipker 5 jyldan asa merzimge sottaldy.