Astanada «Azııanyń monetalary» atty kóne aqshalar kórmesi ashyldy

Onda b.z.d. ÚІІІ ǵasyrynan bizdiń dáýirimizge deıingi túrli kezeńderge jatatyn kóne aqshalar qoıylǵan. Atap aıtar bolsaq, Batys Túrki qaǵanatynyń (b.z. ÚІІІ-HІ ǵǵ.), Qarahanıdter dınastııasynyń (H-HІ ǵǵ.), qola dáýiriniń, Shaǵataılyqtardyń (ÚІІІ-HÚǵǵ.) Ejelgi Otyrardyń dırhemderi men aqshalary, sondaı-aq, qazirgi júıeli chekan aqshalary bar. Sonymen qatar, buryn esh jerge qoıylmaǵan Qazaqstandaǵy mıllenıýmdi qarsy alý, «S. Muqanovqa 100 jyl», «UOS Jeńisine 55 jyl», «Túrkistannyń 1500 jyldyǵy», «QR Konstıtýtsııasyna 10 jyl», «Qazaqstan Táýelsizdiginiń 10 jyldyǵy» jáne basqa da aıtýly oqıǵalarǵa arnalǵan merekelik jáne estelik monetalar kórsetildi.

Uıymdastyrylyp otyrǵan sharanyń mańyzdylyǵyn atap ótken tarıh ǵylymdarynyń doktory Zeınolla Samashev: «Qazaqstannyń ulttyq valıýtasy men aqsha aınalymynyń bastaýy óte erte zamandarǵa jatady. Oǵan elimizdiń túrli aımaqtarynan tabylǵan kóne monetalar, atap aıtqanda, Saraıshyq qalasynan tabylǵan HІІІ-HÚІ ǵasyrlarǵa jatatyn dırhemder dálel bola alady. Osyndaǵy kollektsııada Qazaqstan terrıtorııasyndaǵy saýda-ekonomıkalyq baılanystyń alýan túrli bolǵanyn kórsetedi», - dedi.

Kórme jumysy 29 qarashaǵa deıin jalǵasady.