Astanada Azııa Paralımpıada Komıtetiniń Konferentsııasy men Bas assambleıasy saltanatty ashyldy
ASTANA.KAZINFORM - Azııa Paralımpıada komıtetiniń (APK) Konferentsııasy men 8-shi Bas Assambleıasy búgin Astana qalasyndaǵy Hilton Astana qonaq úıinde saltanatty ashyldy.
2025 jylǵy 11–14 tamyz aralyǵynda ótetin is-sharany Azııa Paralımpıada Komıteti men Qazaqstan Respýblıkasynyń Ulttyq Paralımpıada Komıteti, memlekettik organdardyń jáne halyqaralyq sporttyq uıymdardyń qoldaýymen uıymdastyrdy.
Konferentsııa men Bas Assambleıaǵa 45 elden 190-nan astam delegat qatysýda. Olardyń qatarynda Azııa Paralımpıada komıtetiniń prezıdenti Madjıd Rashed, ulttyq paralımpıadalyq komıtetterdiń basshylary, halyqaralyq federatsııalardyń ókilderi, sarapshylar jáne qurmetti qonaqtar bar. Sonymen qatar, Halyqaralyq Paralımpıada komıtetiniń (IPC) prezıdenti Endrıý Parsons, Qazaqstan týrızm jáne sport mınıstri Erbol Myrzabosynov ashylý saltanatynda quttyqtaý sóz sóıledi.
Myrzabosynov Qazaqstan tarapy Halyqaralyq Paralımpıada komıteti jáne Azııa Paralımpıada komıtetiniń mıssııasyn joǵary baǵalaıtynyn jetkizdi.
- Qurmetti dostar jáne qonaqtar! Sizderdi qonaqjáı Qazaqstan jerinde kórgenime qýanyshtymyn. Paralımpıada qozǵalysyndaǵy negizgi uıym basshylaryn qabyldaý biz úshin ulken mártebe. Biz Halyqaralyq Paralımpıada komıteti jáne Azııa Paralımpıada komıtetiniń mıssııasyn joǵary baǵalaımyz. Ulttyq komıtetter men federatsııalardy qoldaý, Azııa paralımpıada oıyndardy, álem jáne azııa chempıonattary, sonymen qatar halqaralyq týrnırlerdi teń mumkindikter qaǵıdatyna negizdeı otyryp uıymdastyrý óte mańyzdy. Qazaqstan Respýblıkasynyń prezıdenti Qasym-Jomart Kemeluly Toqaevtyń paralımpıadalyq sportty damytý jolyndaǵy jan-jaqty qoldaýynyń nátıjesinde, halqaralyq deńgeıdegi búgingi aýqymdy is-sharany ótkizip otyrmyz,-dedi ol.
Mınıstr elimizdegi paralımpıada sportynyń damýy jaǵydaıyn aıta kele, halqaralyq yntymaqtastyqty tereńdetýge muddeli ekenin aıtty.
APK prezıdenti Madjıd Rashed konferentsııanyń mańyzdylyǵy týraly toqtaldy.
- Azııa para sportynyń álemdik deńgeıde damýyna aıtarlyqtaı úles qosty jáne biz osy úderistiń bir bóligi bolǵanymyzdy maqtan tutamyz. Inklıýzııa – bir rettik jetistik emes, bul turaqty túrde jumys isteýdi talap etetin mindet. Sondyqtan bul Konferentsııa óte mańyzdy. Bul – bizge aldaǵy qadamdarymyzdy ashyq talqylaýǵa berilgen múmkindik,- dedi ol.
QR UPK prezıdenti Qaırat Boranbaevtyń aıtýynsha, Astanada ótip jatqan Azııa Paralımpıada Komıtetiniń Konferentsııasy men Bas Assambleıasy – Azııadaǵy paralımpıadalyq sporttyń strategııalyq damýyn talqylaý úshin 45 eldiń ókilderin biriktirgen mańyzdy oqıǵa.
Aıta keterligi, Azııadaǵy para sport salasyndaǵy mańyzdy shara Ortalyq Azııa, onyń ishinde Qazaqstanda alǵash ret ótip jatyr. Konferentsııa men Bas Assambleıany ótkizý – Qazaqstannyń para sportty damytýǵa qosqan úlesin halyqaralyq qoǵamdastyqtyń moıyndaýy jáne onyń janyndaǵy sport arenasynda senimdi áriptes retindegi mártebesin rastaý bolyp tabylady.
Osyǵan deıin habarlaǵanymyzdaı, Qytaı Múgedekter federatsııasy (CDPF) men Qytaı Paralımpıada komıteti (NPC China) delegatsııasynyń basshysy Chen Kaı myrza Qazaqstanǵa resmı saparmen keldi.
