Astanada «Azııa daýysy» ótedi

ASTANA. QazAqparat - 12 jeltoqsan kúni Anna Gortsýnova bastaǵan Úrmeli aspaptar orkestri «Astana» konfert zalynda elorda turǵyndary men qonaqtaryna «Azııa daýysy» keshin usynady, dep habarlaıdy QazAqparat.

«Astana fılarmonııasynyń Úrmeli aspaptar orkestriniń kontserttik baǵdarlamasynda qazaq mádenıetiniń korıfeıleri - Yqylas Dúkenuly, Nurǵısa Tilendıev, Shámshi Qaldaıaqov, Latıf Hamıdı sekildi tulǵalardyń úzdik shyǵarmalary kirgizilgen», - deıdi Astana ákimdiginiń Memlekettik akademııalyq fılarmonııasynyń ókilderi.

Kesh zamanymyzdyń aldyńǵy qatarly kompozıtory, týyndylary úrmeli aspaptar mýzykasynyń Bandworld álemdik reıtınginde joǵary oryndardy ıelengen Ádil Bestibaevtyń «Azııa daýysy» shyǵarmasyna baılanysty osylaı atalǵan.

Kontsert «Rýhanı jańǵyrý» baǵdarlamasy aıasynda tarıhı-mádenı murany saqtaý, damytý jáne tanytý maqsatynda uıymdastyrylmaq.