Astanada Ázilhan Nurshaıyqovtyń 90 jyldyǵyna oraı «Áıgili Ázaǵa» atty kesh ótedi
ASTANA. 23 sáýir. QazAqparat - Astanada 24 sáýir kúni L.N.Gýmılev atyndaǵy Eýrazııa ulttyq ýnıversıtetinde Memlekettik syılyqtyń laýreaty Ázilhan Nurshaıyqovtyń 90 jyldyǵyna oraı «Áıgili Ázaǵa» atty eske alý keshi ótedi, de habarlady joǵary oqý ornynyń baspasóz qyzmeti.
Ázilhan Nurshaıyqov 1922 jyly 15 jeltoqsanda Shyǵys Qazaqstan oblysynyń Jarma aýdanynda, Kelinsúıegi degen jerde týǵan. Aýyldaǵy ortalaý mektepti bitirgennen keıin, Almatydaǵy Taý-ken ınstıtýtynyń jumysshy fakýltetinde, Semeıdegi Abaı atyndaǵy qazaq pedagogıkalyq ýchılışesinde, odan keıin pedagogıkalyq ınstıtýtynda oqydy. 1941-1945 jj. Qyzyl Armııa qatarynda qyzmet etti. Uly Otan soǵysy kezinde óleńderi, áskerı áńgimeleri men ocherkteri maıdandyq, respýblıkalyq jáne oblystyq gazet betterinde jıi basylyp turdy. Soǵystan keıin Qazaq memlekettik ýnıversıtetiniń fılologııa fakýltetin bitirdi. "Qazaqstan pıoneri" gazetiniń bólim meńgerýshisi, "Sotsıalıstik Qazaqstan" gazetiniń ádebı qyzmetkeri, bólim meńgerýshisi jáne redaktordyń orynbasary, Pavlodar oblystyq "Qyzyl tý" gazetiniń redaktory, respýblıkalyq "Qazaq ádebıeti" gazetiniń bas redaktory bolyp qyzmet istegen. Qazaq Sovet entsıklopedııasy til, ádebıet jáne folklor redaktsııasynyń meńgerýshisi, Qazaq KSR Ǵylym akademııasynyń M.O.Áýezov atyndaǵy Ádebıet jáne óner ınstıtýtynyń ǵylymı qyzmetkeri bolǵan. Kóp jyldar boıyna Qazaqstan Jazýshylar odaǵy proza keńesiniń, jas ádebıetshiler keńesiniń tóraǵasy bolyp keldi.Alǵashqy ocherk, áńgimeler jınaǵy "Alystaǵy aýdanda" degen atpen 1956 jyly jaryq kórgen. Alpysynshy jyldardan bastap birjola kórkem prozaǵa aýysty. Jıyrmadan astam kitaby shyqqan: "Mahabbat jyry" (povester, 1964), "Toǵyz tolǵaý" (1977), "Avtoportret" (ádebı portretter, 1977), "Mahabbat kyzyq mol jyldar" (1970) romany jáne "Aqıqat pen ańyz" (1976) roman-dıalogi, "Eki estelik" (1985), "Jambylǵa hat" atty áskerı estelikteri (1996), t.b. Bul týyndylardyń birqatary "Jazýshy" baspasynan birneshe dúrkin orys tilinde de basylyp shyqty.I "Pesnıa lıýbvı" (1965, 1975, 1982); "Istına ı legenda" (1982), Máskeýdiń "Sovetskıı pısatel" baspasynan "Istına ı legenda" (1980) jáne "Dorogoı pamıatı" (1985) kitaptary jaryq kórdi. "Aqıqat pen ańyz" roman-dıalogi ýkraın ("Dnipro", 1984) jáne cheh (1985) tilderine aýdarylyp jarııalandy. Jeke shyǵarmalary qyrǵyz, ózbek, tájik, moldovan, tatar, ıakýt tilderine aýdarylǵan. 1980 jyly "Aqıqat pen ańyz" roman-dıalogi úshin Qazaq KSR-iniń Abaı atyndaǵy Memlekettik syılyǵynyń laýreaty ataǵy berildi.I.Býnınniń shyǵarmalaryn, M.Sholohovtyń "Adam taǵdyry", P.Pavlenkonyń "Jarııalanbaǵan hat" áńgimelerin, A.ıAkobsonnyń "Qorqaý" pesasyn jáne basqa týyndylardy qazaqshalady.
II dárejeli Dańq, "Qurmet Belgisi", Halyqtar dostyǵy jáne II dárejeli Otan soǵysy ordenderimen, "Jaýyngerlik eńbegi úshin", "Batyrlyǵy úshin", "1941-1945 jyldardaǵy Uly Otan soǵysynda Germanııany jeńgeni úshin", "Tyń jáne tyńaıǵan jerlerdi ıgergeni úshin" medaldarymen, 3 márte Qazaq KSR Joǵarǵy Keńesiniń Qurmet Gramotasymen marapattaldy (1962,1972,1982). Qazaqstannyń Halyq jazýshysy.
Á.Nurshaıyqov 2011 jylǵy 13 aqpanda 89-ǵa qaraǵan jasynda dúnıeden ótti.
