Astanada «Azıadanyń kishkentaı arýy - 2011» jáne «Azıadanyń kishkentaı sultany - 2011» sulýlyq baıqaýlary ótti

Baıqaýǵa aldyn ala irikteýden ótken 100 búldirshinniń 25-i qatysty. Uıymdastyrýshylardyń aıtýynsha, aqtyq márede óner kórsetken 4 pen 12 jas aralyǵyndaǵy balalar úsh aı boıy sahnada mánerlep júrý men akterlik sheberlikterdi úırendi. Baıqaý barysynda olar ózderiniń án men bıdegi talaptaryn, sondaı-aq keshki kıim úlgilerin kórsetti.

Qazylar alqasynyń sheshimimen Azıadanyń kishkentaı arýy ataǵyn 5 jasar Nuraı Sultan, al Azıadanyń kishkentaı sultany ataǵyn 12 jasar Sultanáli Nurmanov ıelendi. «Azıadanyń balǵyn arýy» atalymy boıynsha taǵy bir júlde 8 jasar Karına Murzabekovaǵa berildi.

Barlyq jeńimpazdar Azıadanyń Uıymdastyrý komıtetinen, «ADIDAS» fırmasy men «MEGA» Ortalyǵynan estelik kádesyılar, sondaı-aq «Bekzat arýlardyń ımıdj stýdııasy» atynan 600 myń teńgege sertıfıkattar aldy.

Іs-shara 2011 jyly Astana men Almaty qalalarynda ótetin 7- Qysqy Azııa oıyndaryn kópshilikke nasıhattaý maqsatynda uıymdastyryldy.