Astanada «Azıada oıyndary balalar kózimen» respýblıkalyq shyǵarmashylyq baıqaýynyń jeńimpazdary marapattaldy

Uıymdastyrýshylardyń aıtýynsha, baıqaýdy ótkizý arqyly - «jetkinshekter el tabaldyryǵyn attaǵaly otyrǵan 7-nshi qysqy Azııa oıyndary týraly ne biledi?», «Azıada oıyndary olarǵa qanshalyqty tanys jáne ony qalaı elestetedi, kózqarastary qandaı?» sekildi saýaldarǵa jaýap alyp, buqaralyq sportty jastar arasynda nasıhattaý maqsatyn tutty.

Baıqaýǵa Qostanaı, Qaraǵandy, Pavlodar, Jambyl, Aqmola, Shyǵys jáne Batys Qazaqstan oblystary men Astana qalasynan barlyǵy 200-den astam jumys kelip tústi.

Jeńimpazdar «eń úzdik sýret», «eń úzdik kollaj» jáne «eń úzdik kádesyı» atalymdary boıynsha tańdap alyndy. Nátıjesinde І, ІІ jáne ІІІ oryndar boıynsha 24 júldeli oryn jáne túrli atalymdar boıynsha 16 jeńimpaz anyqtaldy.

«Eń úzdik sýret» atalymynda birinshi oryndy ıAsmına Ishtaeva (Taraz) men Tamıla Halıdova (Pavlodar) bólisti, «eń úzdik kollaj» atalymynda - Qostanaı oblysynyń ujymy men Alına Razaeva (Astana) jeńimpazdar atandy. Al «eń úzdik kádesyı» atalymynyń bas syılyǵy Bıbifatıma Tasymova (Aqmola) men Mıhaıl Leşınskııge (Astana) buıyrdy.

«Jeńimpazdardy tańdaý qıynǵa soqty. Biz balalarymyzdyń qııalynyń sheksiz ekendigine taǵy bir kóz jetkizdik. Baıqaýǵa bıser, saz balshyq, bylǵary, qaǵaz, mata, tabıǵı jáne basqa da materıaldardan jasalǵan shyǵarmashylyq jumystar kelip tústi», - deıdi qazylar alqasynyń tóraıymy, M.Ótemisov atyndaǵy Oqýshylar saraıynyń dırektory Valentına Rıabova.

Jeńimpaz balalar estelik syılyqtarmen jáne dıplomdarmen marapattaldy. 7-qysqy Azııa oıyndaryn uıymdastyrý komıteti atqarýshy dırektsııasy eń úzdik jumystardy Azıada barysynda uıymdastyrylatyn kórmelerge qoıatyn bolady.