Astanada «Azıada kýbogy» jolynda halyqaralyq KTK ótip jatyr
ASTANA. 28 qańtar. QazAqparat /Jasulan Amanbaıuly/ - Astanadaǵy «Qazaqstan» ortalyq kontsert zalynda osy mınýttarda ÚІІ qysqy Azııa oıyndaryna arnalǵan KTK halyqaralyq kýbogynyń oıyndary ótip jatyr.
Azıada kýbogynyń oıyndaryn tamashalaýǵa Tótenshe jaǵdaılar mınıstri Vladımır Bojko, Indýstrııa jáne jańa tehnologııalar mınıstri Áset Isekeshov, Aqparat mınıstri Asqar Jumaǵalıev, parlament depýtattary men ózge de qoǵam qaıratkerleri kelgen.
Qazylar alqasynyń quramynda depýtat, kompozıtor Tólegen Muhamedjanov, Olımpıada chempıony Ermuhan Ybraıymov, ánshi Baýyrjan Isaev, depýtat Baqyt Syzdyqova, akter Leonıd ıArmolnık jáne taǵy basqalary bar.
Bul oıynnyń ereksheligi - tuńǵysh ret sahnada eki júrgizýshi boldy. Onyń biri - halyqaralyq KTK lıgasynyń prezıdenti Aleksandr Maslıakov, al ekinshisi jastar premer-lıgasynyń júrgizýshisi onyń uly Aleksandr Maslıakov. «Bul bizdiń debıýt», - dedi úlken Aleksandr Maslıakov.
Azıada kýbogyna arnalǵan oıynǵa qatysýǵa Qazaqstan Respýblıkasynyń «Astana KZ» KTK qurama komandasy, Astana qalasynyń «Qazaqtar» komandasy, Ýkraınanyń «Vınnıtskıe pertsy» KTK komandasy, 2010 jylǵy Joǵary lıga maýsymynyń chempıony, Krasnodar ólkesiniń quramasy «BAK -soýchastnıkı» komandalary shaqyryldy.
Uıymdastyrýshylardyń pikirinshe, qatysýshy komandalar kezdeısoq tańdalǵan joq: Astana - 2011 jylǵy ÚІІ qysqy Azııa oıyndarynyń astanasy, Ýkraına - EÝRO-2012, Sochı - 2014 jylǵy olımpıada mekenderi.
