Astanada «Azamattyq qoǵam jáne ulttyq ıdeıa: jýrnalıster kózimen» baıqaýynyń jeńimpazdary marapattaldy

sp;ASTANA. Jeltoqsannyń 30-y. QazAqparat /Gúlmıra Álıakparova/ - Búgin Astanadaǵy «Báıterek» halyqaralyq medıa-ortalyǵynda «Azamattyq qoǵam jáne ulttyq ıdeıa: jýrnalıster kózimen» respýblıkalyq jas jýrnalıster baıqaýynyń nátıjesi shyǵarylyp, jeńimpazdar marapattaldy,

dep habarlaıdy QazAqparat. 

Baıqaý Astana qalasy Іshki saıasat basqarmasynyń tapsyrysy boıynsha «Alash rýhy - Saryarqa» qoǵamdyq birlestigimen uıymdastyryldy. Uıymdastyrýshylardyń aıtýynsha, jas jýrnalıster arasynda azamattyq qoǵam máselelerine qalam tartý jaǵy tómen bolǵanymen, baıqaýǵa qatysýǵa nıet bildirgenderdiń sany kóp bolǵan.

«Qazaqstan óziniń 18 jyldyq táýelsizdiginde jan-jaqty qaryshtap damydy. Oǵan bári kýá. Al jýrnalıstıkanyń eń basty maqsaty eldiń jetken jetistikterin halyqqa sol kúıinde jetkize bilý. Úkimettik emes uıymdardyń qalyptasýyn, olardyń memleketpen qoıan-qoltyq jumys isteı otyryp, qoǵamdy órkendetýde, onyń ishinde álemdik órkenıetke jekizýdegi úlesterin kórsete bilý - jýrnalısterdiń sheberlikteriniń arqasynda dep bilemin», - dedi Prezıdent apparaty janyndaǵy Іshki saıasat basqarmasy mádenıet bóliminiń sektor meńgerýshisi Qýat Borash.

Qazylar alqasynyń sheshimi boıynsha, birinshi oryndy - «Nur Astana» jastar aptalyǵynyń sholýshysy Quralaı Rahymbaeva, ekinshi oryndy - QR Úkimeti veb-saıtynyń shyǵarýshy redaktory Saıagúl Jarylqasyn ıelendi.