Astanada azamattardyń banktik tólem kartalarynan qarjy qymqyrǵan eki moldovandyq sottaldy
ASTANA. QazAqparat - Astana qalasy Esil aýdandyq soty elorda aýmaǵynda banktik tólem kartalarynan qarjy urlaýmen aınalysqan Moldova Respýblıkasynyń eki azamatyn 3 jylǵa deıin bas bostandyǵynan aıyrý úkimin shyǵardy, dep habarlaıdy Astana qalasy ІІD-niń baspasóz qyzmetinen.
«Aǵymdaǵy jyldyń 14 shildesinde Astana qalasy ІІD Krımnaldyq polıtsııa basqarmasyna qarasty «K» bólimshesiniń qyzmetkerleri jedel-izdestirý sharalaryn ótkizý kezinde astanalyq áýejaı ǵımaratynda azamattardyń jeke esepshottarynan qarajat urlaǵany úshin Moldova Respýblıkasynyń eki azamatyn quryqtady. Tergeý amaldary barysynda ustalǵan kúdiktilerdiń turatyn jerlerinen 4 beınekameralary bar «fıshıng» jáne «shımıng» qurylǵylary tárkilendi. Atalǵan qurylǵylardyń kómegimen qaskúnemder zańmen qorǵalynatyn, elektrondy tasymaldaýshyda saqtalatyn aqparatty zańsyz kóshirip jáne ıelenip, sonyń nátıjesinde, azamattar men uıymdardyń zańdy múddeleri men quqyqtaryna qol suqqan», delingen habarlamada.
Kúdiktiler QR QK babymen qarastyrylǵan qylmysty jasaǵany úshin kináli dep tanyldy.
