Astanada azamattardyń aqsha men áshekeı buıymdaryn aılamen qoldy etip kelgen syǵandar ustaldy
ASTANA. 21 aqpan. QazAqparat - Astana qalalyq Іshki ister departamentiniń qyzmetkerleri 20-26 jas aralyǵyndaǵy syǵan ultynyń ókilderin ustady.
Olar elorda turǵyndaryn aldap-arbaýmen aınalysyp kelgen, dep habarlady vedomstvonyń baspasóz qyzmetinen.
Alaıaqtar bolashaǵyńdy boljap, boıyńdaǵy jamandyqtan aryltamyn degen jeleýmen azamattardyń aqshalary men áshekeı buıymdaryn qoldy etip kelgen. Qazirgi tańda atalǵan azamatshalarǵa qatysty Qylmystyq Kodekstiń 177-baby boıynsha qylmystyq is qozǵalyp, ustalǵan áıelder qamaýǵa alyndy. Osy rette qalalyq Іshki ister departamentiniń ókilderi atalmysh alaıaqtyq áreketterden zardap shekken azamattardan Almaty aýdanynyń ishki ister bólimine habarlasýdy surady.
