Astanada azamattardy tirkeý sharalary túngi ýaqytta júrgiziledi
ASTANA. QazAqparat - Osy ispetti sharalar EKSPO-2017 kórmesi aıasynda qolǵa alynyp otyr , dep habarlaıdy QazAqparat tilshisi Astana qalalyq ishki ister departamentine silteme jasap.
Kóshi-qon polıtsııasynyń basshysy Gúlvıra Dónenbaevanyń aıtýynsha, EKSPO kórmesi qarsańynda arnaıy Call-ortalyqtyń qyzmeti ashylǵan bolatyn. Endi, 8-800-080-38-38 nómiri arqyly kez kelgen ýaqytta kóshi-qon salasyna qatysty barlyq suraqtardyń jaýabyn alýǵa bolady. Al Seıfýllın kóshesindegi basqarmanyń ǵımaratynda sheteldik azamattar túngi ýaqytta da tirkeýge tura alady. Atalǵan qyzmet táýlik boıy jumys isteıdi.
«Qazirgi kezde EKSPO kórmesi aımaǵynda biryńǵaı qyzmet kórsetý ortalyǵy jumys isteıdi. Ol jerde kóshi-qon qyzmetkerleri shaqyrý qaǵazdary men vızalardy rásimdep, tirkeý sharalaryn júrgizedi. Týra osyndaı qyzmet qalanyń kireberisinde ornalasqan alty ótkizý beketterinde kórsetiledi. Sheteldik azamattar kóp bolsa, Esil aýdanynda ornalasqan kóshi-qon bólimshesinde qosymsha tirkeý sharalary atqarylatyn bolady», - deıdi Dónenbaeva.
