Astanada azamattardy tirkeý boıynsha shekteý engizilýi múmkin

Astana ákimdigi elordada kóshi-qon protsesin retteý úshin qandaı sharalar qabyldaý qajettigin talqylaýda. Ázirge azamattardy tirkeý boıynsha shekteýler engizý usynylyp otyr, dep habarlaıdy Kazinform.

«Qazir zań jobasy ázirlenip jatyr, qosymsha talqylaý júrýde. Biz osy Qaǵıdalar sheńberinde azamattardy tirkeý kezinde otbasy músheleriniń jalpy sanyn qospaǵanda, ár adamǵa 18 sharshy metrden aspaýy kerek degen normany qarastyrdyq. ıAǵnı tutas otbasy osy páterge, turǵyn úıge tolyq tirkeledi. Otbasynan tys adamdar bolsa, onda otbasynyń ár múshesine 18 sharshy metr bólý protsesi júretindeı oılastyrdyq. Degenmen ádilet organdary bul sharany Konstıtýtsııaǵa sáıkes kelmeıdi dep uıǵardy jáne qabyldamady. Qazir biz tirkeýdi shekteý boıynsha osy protsesti retteý quqyǵyn berý úshin joǵaryda aıtqan zańnamalyq aktilerge ózgerister engizip jatyrmyz», - dedi Astana qalasynyń jumyspen qamtý jáne áleýmettik qorǵaý basqarmasy basshysynyń orynbasary Erlan Júsipov qalanyń qoǵamdyq keńesiniń otyrysynda.

Eske sala ketsek, bıylǵy shilde aıynda Prezıdent Qasym-Jomart Toqaev elordadaǵy kóshi-qon protsesterin baqylaýǵa alýdy tapsyrǵan bolatyn. Memleket basshysy jyl saıyn Astanaǵa 50-60 myń adam keletinin atap ótti.

«Budan bólek, kún saıyn jaqyn mańdaǵy eldi mekenderden 150 myń adam kelip ketedi. Munyń bári ınjenerlik jáne áleýmettik ınfraqurylymǵa aıtarlyqtaı salmaq túsiredi. Sol sebepti, kóshi-qon úderisin tıimdi retteý qajet, ıaǵnı, pármendi sharalar qabyldaý kerek. Negizinen, kóp adam qalaǵa jaqyn jerlerden jumys isteýge keledi. Sondyqtan bul salany naqty rettep, baqylaý kúsheıtilýge tıis»,-dedi Qasym-Jomart Toqaev.