Astanada az qamtylǵan otbasy balalaryn oqytatyn dinı pansıonat jat aǵymdy nasıhattaǵan

ASTANA. QazAqparat - Astana qalasynyń Polıtsııa departamenti elordada jumys isteıtin qoǵamdyq qaıyrymdylyq qorlar az qamtylǵan otbasy balalaryna arnalǵan pansıonattar atyn jamylyp, dinı aǵymdy nasıhattady degen kúdikpen qylmystyq isti tergeýde, dep habarlaıdy Polisia.kz.

Osy qorlardyń biriniń qyzmetkeri qalyń kópshilikke ashyq ýaǵyz júrgizip, onda basqa konfessııalardy ustanatyndardyń dinı sezimderi men ulttyq dástúrleri qorlandy.

Atalǵan qor pansıonattarynda zańdy buza otyryp, kámeletke tolmaǵan tárbıelenýshiler arasynda sheteldik ýaǵyzshylardyń dinı dogmalary taratylǵan.

Pansıonattarda júrgizilgen tintýler dinı sıpattaǵy sheteldik oqý materıaldarynyń baryn, sondaı-aq, balalardyń dinı joralǵylarǵa júıeli túrde tartylǵanyn rastady.

Bul rásimder balalardy qazaqstandyq qoǵamnyń ulttyq dástúrleri men qundylyqtarynan alshaqtatýǵa baǵyttalǵan.

Qazirgi ýaqytta sotqa deıingi tergep-tekserý jalǵasýda, basqa málimetter jarııa etýge jatpaıdy.

Foto: t.me/POLICE_of_KZ