Astanada aıtys aqyndarynyń arasynda bılıardtan týrnır ótedi
ASTANA. QazAqparat - Erteń saǵat 11.00-de Ulttyq Akademııalyq kitaphanada qazaq ádebıeti, onyń ishinde aıtys ónerine qatysty úsh kitaptyń tusaýy kesiledi.
Bul týraly Aıtys aqyndary men jyrshy, termeshiler halyqaralyq odaǵynyń baspasóz qyzmetinen habarlady.
Shara barysynda «Qazaqstan aıtys aqyndary» atty anyqtamalyq jınaqtyń jáne aıtysker aqyn, Qazaqstan Jazýshylar odaǵynyń múshesi, «Daryn» memlekettik jastar syılyǵynyń ıegeri Dáýletkereı Kápulynyń «Shertolǵaq» atty aıtystar jınaǵynyń, sondaı-aq aıtysker aqyn, fılologııa ǵylymdarynyń kandıdaty Aıtbaı Jumaǵulovtyń «Qazaq ádebıetin dáýirleý tarıhy» atty ǵylymı eńbeginiń tusaýkeseri ótedi.
Іs-sharaǵa belgili memleket jáne qoǵam qaıratkerleri, ǵalymdar, ardager aqyndar, aıtyskerler, jyrshy, termeshiler qatysady dep kútilýde. QR Mádenıet mınıstrliginiń qoldaýymen jaryq kórgen anyqtamalyq jınaq pen atalǵan avtorlardyń kitaptary jıynǵa kelgen kópshilikke taratylady.
Sondaı-aq, osy kúni saǵat 14.00-de Astana qalasyndaǵy "Shubar" bılıard klýbynda E.Asqarov, E.Jaqypbekov, Á.Janqulıev, O.Dosbosynov syndy aıtys aqtańgerlerin eske alýǵa arnalǵan týrnır ótedi. Oǵan J.Erman, A.Almatov, A.Áltaı, S.Dúısenǵazy, D.Kápuly, B.Imash, A. Dúısenbi bastaǵan aǵa býynmen qatar R.Zaıytov, M.Aqanov, E. Qaınazar, N.Mansurov, I.Kúzembaev, N.Meıirmanov, Q.Bildáshev, M.Sultanhan, J. Bulǵaqov jáne birneshe jas aqyndar qatyspaq.
