Astanada Aıtmatov kóshesinde jóndeý jumystary júrgiziledi
ASTANA. QazAqparat - Astanadaǵy Sh. Aıtmatov kóshesinde ınjenerlik jelilerdi qaıta júrgizý jumystary júrgiziledi, dep habarlaıdy QazAqparat Elorda Infoǵa silteme jasap.
Kólik jáne jol-kólik ınfraqurylymyn damytý basqarmasynyń habarlaýynsha, atalǵan kóshede 27 qyrkúıekten 10 qazanǵa deıin kólik qozǵalysy ishinara jabylady.
«№12, №14 Ýgolnaıa jáne Sh. Beısekova kóshelerimen ótetin magıstraldy avtojol salý, N. Tilendıev dańǵylynan Qorǵaljyn tas jolyna deıingi ýchaskedegi Sh.Beısekova kóshesin salý» jobasyn iske asyrý sheńberinde kópirden bastap Qorǵaljyn tas jolyna deıingi ýchaskede Sh. Aıtmatov kóshesi boıynda ınjenerlik jelilerdi qaıta ornalastyrý jumystary júrgiziletin bolady», delingen habarlamada.
Sonymen qatar, atalǵan ýchaskede qurylys-montajdaý jumystaryn júrgizýge baılanysty jyldamdyq rejimi saǵatyna 40 shaqyrymǵa deıin shekteledi.
Elorda turǵyndary men qonaqtary keptelis týdyrmaý úshin jol qozǵalysy baǵyttaryn aldyn ala josparlaýy qajet.
