Astanada sholý dóńgeleginde órt shyqty

ASTANA. KAZINFORM — Nura aýdanynda, Qorǵaljyn tas joly boıynda aınalmaly sholý dóńgeleginde órt shyqty. 

TJM alǵashqy bólimsheleri kelgen kezde órttiń dóńgelektiń ortalyq bóligindegi elektr qorektendirý qalqanynda bolǵany anyqtaldy. Adamdarǵa jáne órttiń taralýyna qaýip joq.

TJM órt sóndirýshileri Vario portatıvti órt sóndirý júıesiniń kómegimen órtti jedel túrde sóndirdi.

Kelýshiler ýaqytyly evakýatsııalanyp, attraktsıonnan túsirildi. Sholý dóńgelegi shtattyq rejımde jumysyn qaıta bastady. Zardap shekkender joq. Órttiń sebebi anyqtalyp jatyr.

Aıta keteıik, Batys Qazaqstanda jeti dala órti tirkelgen edi.