Astanada aımaqtaǵy eń iri horeografııa akademııasynyń qurylysy bastaldy
ASTANA. QazAqparat - «Bazıs» kompanııasy Qazaq Ulttyq horeografııa akademııasynyń qurylysyna kiristi, dep habarlady uıymnyń baspasóz qyzmetinen.
Horeografııa akademııasynyń qurylysy Astanada, Hýseın Ben Talal dańǵylynan soltústikke qaraı, EKSPO-2017 qalashyǵy men Botanıkalyq baqtyń mańynda júrgizilýde. Akademııa tórt korpýstan turady: oqý, balettik, teatrlyq jáne turǵyn úı korpýstary. Olardy bir-birimen galereıa baılanystyratyn bolady. Oqý korpýsynda jalpy bilim beretin mektep, kolledj jáne ınstıtýt bolmaq. Sol jerde zamanaýı saýyqtyrý kesheni men kópsalaly sporttyq zal ornalasatyn bolady. Balet korpýsynda 21 balet zaly bolady. Árbirinde qolaıly demalys aımaǵy kózdelgen.
Teatr ǵımaratynda klassıkalyq ıarýs nusqasymen jasalǵan 800 orynǵa shaqtalǵan kórermen zaly qarastyrylǵan.
