Astanada aıyp turaǵynda kólik saqtaý aqyly bolady
ASTANA. KAZINFORM — 23 naýryzdan bastap Astananyń aıyp turaqtarynda kólik saqtaý aqyly bolady. Bul týraly elordanyń Kólik jáne jol-kólik ınfraqurylymyn damytý basqarmasynyń basshysy Ashat Qaraǵoıshın
— Biz avtoturaqtardy retke keltiremiz. Qaı jerde jáne qaraı turaqtaýǵa bolatynyn aıqyndaımyz. Ártúrli tarıftik aımaqtardy engizemiz. Tólemniń túsinikti tártibi men jeńildikterin belgileımiz. Sondaı-aq bos oryndar bar-joǵyn kórsetetin júıe qarastyrylady, — dedi A. Qaraǵoıshın qalalyq máslıhat otyrysynda.
Oǵan qosa, shlagbaýmdar men qorshaýlardy ornatý qaǵıdalary belgilenedi. Olardyń barlyǵy kelisilip ornatylýy tıis, jedel járdem, órt sóndrý qyzmetiniń júrip ótýine kedergi keltirmeýi qajet.
Sonymen birge, avtokólik quraldaryn qandaı jaǵdaıda evakýatsııalanatyny, onyń qalaı saqtalatyny, quny qansha bolatyny jáne ıesiniń qalaı qaıtaryp alatyny naqty jazylady.
Kólik quraldaryn jetkizý jáne olardy ýaqytsha saqtaý úshin mynadaı tarıfter usynyldy:
kólik quralyn evakýatsııalaý quny — 3 AEK nemese 12 900 teńge;
mototsıklder úshin arnaıy saqtaý quny: birinshi kúni — 1 AEK, keıin — 2 AEK;
úsh dóńgelekti kólik quraldary men kvadrotsıklder úshin: 1,5 AEK, keıin — 3 AEK;
jeńil avtokólikter úshin: 3 AEK, keıin — 5 AEK;
3,5 tonnaǵa deıingi júk kólikteri úshin: 5 AEK, keıin — 7 AEK;
tirkelmegen avtokólikter boıynsha — 2-den 5 AEK-ke deıin.
Atalǵan qaǵıdalar jol qozǵalysy qaýipsizdigin arttyrýǵa, turaq keńistigin júıeleýge jáne kólik quraldaryn evakýatsııalaý rásiminiń ashyqtyǵyn qamtamasyz etýge baǵyttalǵan.
Basqarma basshysynyń aıtýynsha, bul júıe 23 naýryzdan bastap engiziledi, al 15 sáýirge deıin quqyq buzý eskertý retinde qabyldanady. Aıyppul salynbaı, túsindirý jumystary júrgiziledi.
Byltyr Astana avtoturaqtary ákimdikke qaıtarylǵan edi.
