Astanada «Aıgólek» balalar telebaıqaýynyń aqtyq kezeńi bastaldy
ASTANA. QazAqparat - Búgin Astanadaǵy Beıbitshilik jáne kelisim saraıynda «Aıgólek» balalar televızııalyq baıqaýynyń 6-shy kezeńiniń aqtyq bólimi bastaldy.
Respýblıkalyq mańyzy bar atalǵan mádenı sharaǵa Qazaqstannyń barlyq aımaqtarynan kelip, aldaǵy kezeńderdiń qorytyndylary boıynsha aqtyq kezeńge shyqqan eń daryndy ári talantty degen 23 bala qatysýda.
Baıqaýdy Aqjan Qurmanbaı men onyń tálimgeri, tanymal ánshi Qaraqat Ábildına «Aıgólektiń» ótken 5-shi maýsymynda engizilgen «Dástúrli ánder» atalymymen ashty. Bul rette «Dástúrli ánderge» án aıtý mektebiniń tórt baǵyty kiredi: «Batys», «Arqa», «Syr», «Jetisý», olardyń árqaısysynyń óz erekshiligi bar.
6-shy maýsymnyń aqtyq kezeńinde jeńiske jetip, júldeli bolǵandar Italııa, Makedonııa jáne Eýropanyń basqa elderindegi halyqaralyq án baıqaýlaryna joldamalar alyp, sondaı-aq baǵaly syılyqtarǵa ıe bolady.
