Astanada áıgili «Beatles» tobynyń úzdik ánderi shyrqalady
ASTANA. QazAqparat - Búgin elordadaǵy «Qazaqstan» ortalyq kontsert zalynda «Brıtandyq kesh Astanada» atty kontsert ótedi. Bul keshte aty ańyzǵa aınalǵan áıgili «Beatles» tobynyń repertýaryndaǵy eń úzdik hıtteri oryndalady, dep habarlaıdy «Qazaqkontsert» MKU» RMQK baspasóz qyzmeti.
Kontsertte «Solıster akademııasy» memlekettik orkestri men talantty hormeıster Batyrjan Smakovtyń jetekshiligimen QazUÓÝ hory, kórkemdik jetekshisi Ádiljan Tolýkpaev bolyp tabylatyn «Saz&soul» toby óner kórsetedi. Tanymal ánshi Rústem Júginisov, «Qazaqstan daýysy» televızııalyq jobasynyń grandfınalısi Erbol Tájibaev ataqty rok toptyń áýenderin shyrqaıdy.
Sonymen qatar respýblıkalyq baıqaýlardyń laýreaty Aına Qalmaǵanbetova, halyqaralyq jáne respýblıkalyq baıqaýlardyń laýreaty, «Qazaqstan daýysy» televızııalyq jobasynyń fınalısi Saltanat Meńdyǵalıeva óz ónerlerin kórsetedi.
Eksklıýzıvti bul mýzykalyq keshte «H faktor», «Qazaqstan daýysy» telejobalarynyń, «Novaıa volna» halyqaralyq baıqaýynyń fınalısi Gúlnar Kóshenova án salady. Odan bólek, ataqty «Aǵaıyndy Júginisovter» mýzykalyq toby sahnaǵa shyǵady.
Dırıjerlyq tuǵyrda ataqty maltalyq dırıjer, Eýropalyq mádenıet qoldaý qorynyń art-dırektory, sımfonııalyq orkestrge arnalǵan «Bıtlzdiń» barlyq hıt ánderi jınaqtalǵan baǵdarlamanyń ıegeri Alan Kırkop bolady.
