Astanada áıeli sottalǵan kúıeýine patron ótkizýge tyrysqan
ASTANA. QazAqparat - Astanada kúıeýine kezdesýge kelgen áıelden Makarov tapanshasynyń 17 patronyn tárkiledi, dep habarlady QR Ulttyq gvardııasy baspasóz qyzmetine silteme jasap «QazAqparat» HAA.
1 naýryzda ETs-166/10 mekemesinde 6636-áskerı bóliminiń baqylaýshysy Z. Beksarınova kúıeýine kezdesýge kelgen áıelin tekserý barysynda 9 mm kalıbrli 17 patron tárkiledi. Oqıǵa ornyna jedel tergeý toby keldi.
Onyń kúıeýi kolonııada qaraqshylyǵy úshin jazasyn óteýde. Túrli bap boıynsha 9 jylǵa sottalǵan. Onyń ishinde qarýdy, oq-dárileri, jarylǵysh zattardy zańsyz satý, satyp alý, saqtaý, ótkizý, tasymaldaýdy kózdeıtin 287-bap ta bar. Jazasyn óteýshi UQT quramyna kirdi. Atalmysh fakti boıynsha qylmystyq is qozǵaldy.
Mán-jaıdy tergeý anyqtaıdy. Sol kúni osyndaı jaǵdaı OV-156/3 (Óskemen q) mekemesinde de oryn aldy. Sottalǵan aǵasyna kezdesýge kelgen áıeldi tekserý kezinde shulyǵynan 12 000 teńge tabyldy.
