Astanada áıeldiń ústine jarnama banneri qulap ketti
ASTANA. QazAqparat - Astanada soqqan borannan13 adam jaraqat aldy, dep habarlaıdy QazAqparat Travmatologııa jáne ortopedııa ǴZI silteme jasap.
«10 qańtar kúni travmalyq pýnktige 73 adam júgindi, onyń 46-sy kóshede jaraqat alǵan. 11 qańtar kúni tańǵy saǵat 8-den 15:00-ge deıin 17 adam kelgen, onyń ishinde 13 adamǵa kóshede zaqym kelgen», - delingen atalǵan mekeme taratqan habarlamada.
Sondaı-aq, Astanada 1984 jyly týǵan áıelge jarnama banneri qulap túsip, sol jaq jaýyrynyna zaqym kelgen. Al 1950 jyly týǵan er adam qatty jelden bıznes-ortalyqqa baryp soǵylyp, tobyq býynyn qozǵap aldy.
Qazirgi ýaqytta travmalyq pýnkt shtatty rejımde jumys istep tur, qarbalas jaǵdaı tirkelgen joq.
